جێگری سەرۆک کۆماری عێراق، کە بە بڕیاری حەیدەر عەبادی، سەرۆک وەزیرانی عێراق لە پۆستەکەی دوورخرایەوە، هانا بۆ سەرکردەکانی ئێران دەبات و داوای هاوکاریی دەکات.

بەپێی هەواڵی میدیا عەرەبییەکان، نووری مالیکی، سەرۆک وەزیرانی پێشووی عێراق و جێگری فوئاد مەعسوم، سەرۆک کۆماری عێراق، کە بە بڕیاری عەبادی پۆستەکەی هەڵوەشایەوە، لە تارانی پایتەختی ئێرانە و داوا لە بەرپرسانی ئێران دەکات، کە “چاکەی پێشووی” بدەنەوە و لە دژی داخوازیی خۆپێشاندەرانی عێراق و عەبادی، هاوکاریی بکەن.

مالیکی بە یەکێک لەو کەسانە دادەنرێت، کە بووە هۆکاری کەوتنی موسڵ و داگیرکردنی لەلایەن چەکدارانی رێکخراوی دەوڵەتی ئیسلامی (داعش) لە مانی حوزەیرانی 2014.

بەپێی زانیارییەکان، نووری مالیکی لە تاران هەوڵی بەدەستهێنانی رەزامەندیی بەرپرسانی باڵای ئەو وڵاتەدەدات، بۆ مانەوە و وەرگرتنی بەرپرسیارێتی هاوپەیمانیی شیعەکان.








باسنیوز