سه‌رچاوه‌كانى پزیشكى له‌ فه‌للوجه‌ بڵاویان كردۆته‌وه‌ كه‌ فرۆكه‌كانى سوپاى عێراق به‌ بۆمبى به‌رمیلى نه‌خۆشخانه‌ى منداڵان و له‌دایكبوونى شارى فه‌للوجه‌ى بن ده‌ستى رێكخراوى تیرۆریستیى داعشیان بۆردومان كردووه‌ و به‌ هۆیه‌وه‌ بیست و پێنج كه‌س كوژراون كه‌ ژن و منداڵن .

به‌ گوێره‌ى تۆڕى سكاى نیوز، سه‌رچاوه‌یه‌كى پزیشكى له‌و فه‌للوجه‌ رایگه‌یاندووه‌ كه‌ فرۆكه‌ جه‌نگییه‌كانى عێراق سێ بۆمبى به‌رمیلییان به‌سه‌ر نه‌خۆشخانه‌كه‌دا به‌رداوه‌ته‌ خواره‌وه‌ و به‌ هۆیه‌وه‌ بیست و پێنج ژن و منداڵ كوژراون و سیی دیكه‌ش بریندار بوون و پێشبینى زیادبوونى ژماره‌ى كوژراو و بریندارانیش ده‌كرێت .

ئه‌م بۆردومانه‌ش هاوكات له‌گه‌ڵ راگه‌یاندنى كۆتاییهاتنى قۆناغى یه‌كه‌مى پرۆسه‌ى ئازادكردنه‌وه‌ى رومادى و ده‌ستپێكردنى قوناغى دووه‌مى پرۆسه‌كه‌ .