وه‌زاره‌تی‌ ناوخۆی‌ عیراق سه‌رجه‌م دوكانی‌ مه‌یفرۆشتن ‌و یانه‌كانی‌ شه‌وانه‌، ئه‌وانه‌ی‌ جێگه‌ی‌ گومانن ‌و مۆڵه‌تی‌ یاساییان نییه‌، له‌به‌غدای‌ پایته‌خت داده‌خات و هۆكاره‌كه‌شی باس ده‌كات.

ماڵپه‌ڕی‌ ره‌سمی‌ وه‌زاره‌تی‌ ناوخۆی‌ عیراق بڵاویكرده‌وه‌، له‌باره‌ی‌ داخستنی‌ دوكانی‌ مه‌یفرۆشی ‌‌و یانه‌كانی‌ شه‌وانه‌ له‌ به‌غدای‌ پایته‌ختدا ده‌ڵێت: ئه‌وان دژی‌ هیچ خاوه‌نكار و پیشه‌وه‌رێك نین، ته‌نها یاسا په‌یڕه‌و ده‌كه‌ن ‌و رێنماییه‌كانی‌ تایبه‌ت به‌یاسای‌ كار جێبه‌جێده‌كه‌ن.

ئه‌وه‌شی نووسیووه‌: بۆیه‌ پێویسته‌ له‌سه‌ر هه‌موو خاوه‌نكارێك به‌تایبه‌ت خاوه‌نی‌ یانه‌كانی‌ شه‌وانه‌و دوكانی‌ مه‌یفرۆشی‌، پابه‌ندی‌ یاسابن ‌و سه‌رپێچی‌ نه‌كه‌ن.

باس له‌وه‌ش ده‌كات: دوای‌ ئه‌و بڕیاره‌، هێزه‌كانی‌ پۆلیس هه‌ستاون به‌داخستنی‌ ژماره‌یه‌ك یانه‌ی‌ شه‌وانه‌و دوكانی‌ مه‌یفرۆشتن، ئه‌وه‌ش به‌هۆی‌ ئه‌وه‌ی‌ جێگه‌ی‌ گومان بوون ‌و مۆڵه‌تی‌ یاساییان نه‌بووه‌، یان سه‌رپێچیان له‌ رێنماییه‌كاندا كردوه‌.












خه‌ندان