بەرپرسانی ئەمەریكی رایانگەیاندووە: ئێران تۆپخانە و هێزی سەربازیی سوپای پاسدارانی رەوانەی شارۆچكەی بێجیی كردووە، بۆ پاڵپشتیكردن لە چەكدارانی حەشدی شەعبی تا بتوانن پاڵاوگەی بێجی لە دەستی چەكدارانی داعش رزگار بكەن.
دوو بەرپرسی باڵای سوپای ئەمەریكا؛ بە ئاژانسی “ئەسۆشێتد پرێس”یان راگەیاند: هێزەكانی سەربازیی ئێران لە هەفتەی رابڕدوو بە چەكی قورسەوە هاتوونەتە شارۆچكەی بێجی و لەگەڵ چەكدارانی حەشدی شعبی رووبەڕووی چەكدارانی داعش بوونەتەوە.
ئەو بەرپرسە سەربازییانەی ئەمەریكا نەیانویستووە ناویان ئاشكرا بكرێت، ئاماژەیان بەوەش داوە كە هێزە سەربازییەكەی سوپای پاسدارانی ئێران جۆرەها چەكی قورسیان پێ یە، لەسەر داوای حەشدی شعبی هاتوونەتە ناوچەكە.















باسنيوز