وەزارەتی ناوخۆی عێراق رایگەیاند ئەمڕۆ خۆكوژێك بە پشتێنەی بۆمبرێژكراو خۆی بە گردبوونەوەیەكی سەربازانی سوپای عێراق و چەكدارانی هێزەكانی سەحوە لە بەغدا تەقاندەوە و بە دەیان قوربانی لێكەوتەوە.

یوسف عەبادی، بەرپرسی راگەیاندنی وەزارەتی ناوخۆی عێراق رایگەیاند: "ئەمڕۆ خۆكوژێك بە پشتێنەی بۆمبڕێژكراو خۆی بە گردبوونەوەیەكی سەربازانی سوپای عێراق و چەكدارانی هێزەكانی سەحوە لە دەروازەی بارەگای لیوای ٤٢ی سوپا لە باشووری بەغدا تەقاندەوە، بەپێی ئامارە سەرەتاییەكانیش بە دەیان قوربانی خستووەتەوە".

هاوكات ئاژانسەكانی راگەیاندن لە جیهان رایانگەیاند كە ژمارەی قوربانیانی ئەو تەقینەوە گەیشتووەتە ٤٠ كوژراو و ٥٦ بریندار.










رووداو