سه‌لیم جبورر سه‌رۆكى ئه‌نجوومه‌نى نوێنه‌رانى عێراق له‌ گوته‌ییه‌كدا كه‌ به‌ بۆنه‌ى رۆژى جیهانى مافى مرۆڤ پێشكه‌شى كرد رایگه‌یاند، له‌ ئێستادا عێراق به‌ قۆناغێكى زۆر هه‌ستیار له‌ مێژووى كۆن و تازه‌ تێده‌په‌رێت، چونكه‌ رووبه‌ڕووى ئاسته‌نگى هه‌مه‌جۆر بووه‌ته‌وه‌ و تواناكانیشى له‌ رووبه‌ڕوونه‌وه‌كاندا سنوورداره‌.

له‌ به‌شێكى گوته‌كه‌یدا جبورى ئاماژه‌ى به‌وه‌شدا، هه‌ڕه‌شه‌ و مه‌ترسییه‌كان بۆ سه‌ر مافى مرۆڤ له‌ عێراق به‌ هۆى هێرش و كرده‌وه‌ تیرۆریستییه‌كان كه‌ گروپه‌ توندڕه‌وه‌كان له‌ چه‌كدارانى داعش ئه‌نجامیده‌ده‌ن زیاتر بووه‌ و ته‌ئكیدیشى كرده‌وه‌، پێویسته‌ چى تر رێگه‌ به‌ پێشێلكردنى مافى مرۆڤ له‌ ژێر شه‌ڕى تیرۆر له‌ عێراق نه‌درێت.