بەرپرسێكی پارتیی دیموكراتی كوردستان لە مووسڵ دەڵێت، داعش نزیكەی 80كەسی لە بنەماڵەی وەزیری بەرگریی عێراق دەستگیر كردوون و بەرەو شوێنێكی نادیاری بردوون.

بەرپرسی لقی چواردەی پارتیی دیموكراتی كوردستان لە مووسڵ (عیسمەت رەجەب)، بە KDP.INFO-ی راگەیاند، "زانیاریمان بە دەست گەییشتووە كە تیرۆریستانی داعش نزیكەی 60 كەسیان لە بنەماڵەی وەزیری بەرگریی عێراق (خالید عوبەیدی) لەناوچەی بەترا لە مووسڵ دەستگیر كردوون و بەرەو شوێنێكی نادیاریان بردوون".

(عیسمەت رەجەب) گوتیشی، بێجگە لەوانە، 18كەسی دیكەیان لە كەسوكارە نزیكەكانی كە كوڕە مام و كوڕە خاڵ و منداڵانی خوشكی دایكیان لە ناوچەی دندان لە لای راستی مووسڵ دەستگیر كردوون و تاوەكو ئێستا چارەنووسیان دیار نییە.

ڕوونیشی كردەوە، لە گوندی كولات لە شنگالیش دەستیان بە دەستگیركردنی ئەندامانی عەشیرەتی جحێش كردووە، چونكە رەتیان كردووەتەوە هاوكاریی داعش بكەن.