حكومەتی ئێران 130 فڕۆكەی جەنگی بۆ عێراق دەگەڕێنێتەوە، كە ماوەی 20 ساڵە دەستی بەسەردا گرتوون.

قاسم عەتا، گوتەبێژی نو‌وسینگەی فەرماندەی گشتیی هێزە چەكدارەكانی عێراق لە كۆنگرەیەكی رۆژنامەوانیدا رایگەیاند: "دەسەڵاتدارانی ئێران ئەو 130 فڕۆكەیەی بۆ عێراق گەڕاندو‌وەتەوە، كە لەسەرەتای نەوەدەكانی سەدەی رابردوو بە مەبەستی پاراستنیان لە هێرشی سەربازی هێزی هاوپەیمانان رژێمی سەدام رەوانەی ئێرانی كردبوون".

عەتا گوتیشی: "ئەو فڕۆكانە سەربازین و لە دژی گرووپە چەكدارەكان لە پارێزگاكانی عێراق بەكاردەهێنرێن".

پێش دەستپێكردنی هێرشی هاوپەیمانان بۆ دەركردنی سوپای عێراق لە كوەیت لە ساڵی 1991 ، بە مەبەستی پاراستنیان حكومەتی عێراق ژمارەیەك فڕۆكەی جەنگی و مەدەنی رەوانەی ئێران كرد.




رووداو