سەرچاوە ئەمنییەکانی پارێزگای سەڵاحەددین ئەمڕٶ شەممە ڕایانگەیاند کە، سوپای عێراق بۆردوومانی ناوچەیەکی لە قەزای بێجیی باشووری تکریتی کردووە و لە ئاکامدا زیاتر لە 200 چەکداری داعش کوژراون.

بەپێی زانیارییەکانی ئاژانسی ئەخبارییە کە لە سەرجاوەیەکی ئەمنییەوە دەستی کەوتووە، فڕۆکە جەنگییەکانی سوپای عێراق، هەڵمەتێکیان بۆ سەر ناوچەیەک لە قەزای بێجیی باشووری تکریت بەرپا کردووە کە بە هۆیەوە زیاتر لە 220 چەکداری گرووپی دەوڵەتی ئیسلامی لە عێراق و شام(داعش) کوژراون.

لە لایەکی دیکەوە، گوتەبێژ بە ناوی فەرماندی گشتیی هێزە چەکدارەکانی عێراق، قاسم عەتا ڕایگەیاند کە زۆربەی ناوچەکانی پارێزگای سەڵاحەددین بە دەست هێزەکانی سوپاوەن و هێرشەکانیشیان بۆ سەر چەکدارانی داعش لە هەرسێ پارێزگای سەڵاحەددین، دیالە و کەرکووک بەردەوامن.