سەرۆکی ئیدارەی هەڵبژاردن له کۆمسیۆنی هەڵبژاردنەکان رایگەیاند، دوای راگەیاندنی ئەنجام، چاوەڕێی سکاڵای لایەنەکان دەکەین.



"میقداد شەریفی" سەرۆکی ئیدارەی ھەڵبژاردن لە کۆمسیۆنی باڵای سەربەخۆی هەڵبژاردنەکان لە میانەی کۆنگرەیەکی روژنامەوانیدا رایگەیاند: یەک‌شەممە یاخود دووشەممە ئەنجامە بەراییەکان لە مەراسیمێکدا بڵاو دەکریتەوە ئەویش لەدوای تەواو بوونی جیاکردنەوەی دەنگەکان و ھەروەھا تاوتوێ کردنی سکاڵاکان و مافی ھەر لایەنێکە کەوا لەدوای راگەیاندنی ئەنجامەکان سکاڵا تۆمار بکات و لەلایەن لیژنەی تایبەت چاوی پێدا‌دەخشێت.



شەریفی گوتی: ئێمە لە چاوەڕوانی سکاڵای لایەنە سیاسیەکانین و بەشێوەیەکی شەفاف کاری لەسەر دەکەین و بەزووترین کات تەواوی دەکەین بۆ ئەوەی ئەنجامە کۆتاییەکان بڵاو بکەینەوە.