جۆن بایدن جێگرێ سه‌رۆكێ ئه‌مه‌ریكایێ د په‌یوه‌ندیه‌كه‌ ته‌له‌فونى ده‌ دگه‌ل نورى مالكى سه‌رۆك وه‌زیرێ ئێراقێ به‌حسا ره‌وشا سیاسى و ئه‌منى و هه‌لبژارتنێن ڤێ داویێ ل ئێراقێ كر، ته‌كه‌ز ژى ل سه‌ر گرنگیا خورتكرنا سیاسه‌ته‌كه‌ وه‌كهه‌ڤ دگه‌ل پاراستنا ئه‌من و ئالیكارى یێن دوم درێژ دناڤبه‌را ئه‌مه‌ریكا و ئێراقێ ژبۆ به‌ربرووكرنا ته‌رۆرێ، هه‌روه‌ها بده‌ستخستنا ئالیكاری و پشتگیرى یا گه‌ل كر.

د داخویانیه‌كێ ده‌ كۆچكا سپى راگه‌هاند هه‌ر د په‌یوندى یا ته‌له‌فونى ده‌ بایدن ب هه‌لكه‌تنا پێكانینا هه‌لبژارتنێن گشتى یێن وى وه‌لاتى پیرۆزباهى ژ گه‌لێ ئێراقێ كریه‌ و بالكشانده‌ سه‌ر وێ یه‌كێ ژى كو ئه‌ڤ ره‌وشا نها ئێراق تێده‌ ده‌رباس دبه‌ كارێ پارله‌مێنتا نوو گه‌له‌كى گرانتر دكه‌.