سەرۆكی كوتلەی مواتن داوا دەكات لێكۆڵینەوە لەسەر خروقاتی هەڵبژاردن بكرێت
باقی جەبر زوبەیدی سەرۆكی كوتلەی مواتن لەبەیاننامەیەكدا كەوا وێنەیەكی دەستی ئاژانسی هەواڵی پەیامنێر كەوتووە و تێدا هاتووە: داوا لەسەرۆكایەتی ئەنجومەنی نوێنەرانی عێراق دەكەین كەوا كۆبونەوەیەكی بەپەلە ئەنجام بدەن و سەرجەم پەرلەمانتاران ئامادەی بن و هەروەها ئەندامانی كۆمسیاران لە كۆمسیۆنی باڵای سەربەخۆی هەڵبژاردنەكان ئامادەی كۆبونەوەكە بن بۆ ئەوەی لێكۆڵینەوە لەسەر ئەو خروقاتانە بكرێت كەوا لەكاتی بانگەشەی هەڵبژاردن و لە رۆژی دەنگدانی گشتی و تایبەتدا كراوە .
لەبەیاننامەكە هاتووە: لەكاتی دەنگدان و لەكاتی بانگەشەی هەڵبژاردن خروقاتێكی زۆر بوە و پێویستە ئەنجومەنی نوێنەران گفتوگۆ و لێكۆڵینەوەی لەسەر بكات بۆ ئەوەی سزای ئەو لایەنانە بدرێت .
