نەسرین ئەنوەر پەرلەمانتاری عێراق لە فراكسۆنی هاوپەیمانی كوردستانی رایگەیاند، لە رێی نوسراوێكەوە ژمارەیەك لە پەرلەمانتارانی ئافرەتی عێراق بە شێوەیەكی رەسمی داوایان لە سەرۆكایەتی پەرلەمانی عێراق كردووە كە سەرۆكی ژمارەیەك لیژنەكانی پەرلەمانی بە پەرلەمانتارە ئافرەتەكان بدرێ.
نەسرین ئەنوەر وتیشی: ئەو داواكارییەی پەرلەمانتارانی ئافرەت لەوە سەرچاوەی گرتووە كە پەرلەمانتارانی ئافرەتیش وەك پیاوەكان لەكاری پەرلەمانییدا توانیویانە بە شێوەیەكی باش كارەكانی ئەنجام بدەن.
راشیگەیاند: بۆیە ئافرەتانیش وەك پەرلەمانتارە پیاوەكان دەتوانن سەرۆكایەتی لیژنەكانی پەرلەمانی بكەن.