چەند سەرچاوەیەك لە هاوپەیمانیی (موتەحیدون) بە سەرۆكایەتی ئوسامە نوجەیفی، سەرۆكی پەرلەمانی عێراق و بەرەی دیالۆگی نیشتمانی بە سەرۆكایەتی ساڵح موتڵەگ، جێگری سەرۆك وەزیرانی عێراق بۆ كاروباری وزە رایانگەیاند، كە هەردوولا گەیشتوونەتە رێككەوتنێكی سەرەتایی بۆ بەشداریكردن لە هەڵبژاردنی پەرلەمانی داهاتووی عێراق بە یەك لیست.

رۆژنامەی (حەیات)ی لەندەنی راگەیاند:\"بەمزووانە هاوپەیمانیی (موتەحیدون) و بەرەی دیالۆگی نیشتمانی عێراق هاوپەیمانییەك لە نێوانیاندا رادەگەیەنن بۆ نوێنەرایەتی پێكهاتەی سوننەو بەشداریكردن لە هەڵبژاردنی پەرلەمانی داهاتووی عێراق بە یەك لیست\"".

دەهلەكی گوتیشی \""بڕیارە هاوپەیمانییە نوێیەكە كەسایەتییە ناودارەكان و سیاسەتمەدارانی سوننە لەخۆبگرێ‌و دەكرێ لە دوای هەڵبژاردنەكان هاوپەیمانیی لەگەڵ لایەنەكانی شیعەش ببەستێ\"".

لە بەرامبەردا وەلید محەمەداوی، پەرلەمانتاری هاوپەیمانیی (موتەحیدون) بە(حەیات)ی راگەیاند:

\""بەدووری دەزانم هاوپەیمانی لە نێوان (موتەحیدون) و بەرەی دیالۆگی نیشتمانی عێراق سەر بگرێ، چونكە سەركردەی هەردوولا كێشەیان لەبارەی سەرۆكایەتی هاوپەیمانییە نوێیەكەی نێوانیان هەیە، لەكاتێكدا هەمان كێشە پێشتر بووە هۆكاری پەرت و بڵاوبوونی هاوپەیمانی عێراقییە بە سەرۆكایەتی ئەیاد عەللاوی\"".

بڕیارە لە 30 نیسانی ساڵی 2014 هەڵبژاردنی خولی سێیەمی پەرلەمانی عێراق بەڕێوەبچێ.





رووداو"