وەزیری بازرگانی عێراق خێروڵا حەسەن رایگەیاند، لە كۆبوونەوەی داهاتووی سەرۆكایەتی ئەنجوومەنی وەزیرانی عێراق پرۆژە یاسای بوودجەی ساڵی 2014ی وڵات گفتوگۆی لەسەر دەكرێ.
راشیگەیاند، لەو كۆبوونەوەیەدا نوێنەرانی كورد تێبینی و داواكارییەكانی كورد دەخەنەروو و ئەو كەموكوڕییانەی لەسەر پشكی هەرێمی كوردستان هەیە دەبێ چارەسەری بكەن.
وتیشی، بە شێوەیەكی فەرمی داوامان كردووە پشكی هەرێمی كوردستان 17% بێت و بوودجەی هێزەكانی پێشمەرگە دابین بكرێ و حكوومەتی عێراقیش پارەی كۆمپانیاكانی نەوت كە لە هەرێمی كوردستان كار دەكەن دابین بكات.