ئه‌مڕۆ وه‌زاره‌تی ده‌ره‌وه‌ی توركیا له‌ به‌یاننامه‌یه‌كدا رایگه‌یاند، به‌ داوه‌تنامه‌یه‌كی فه‌رمی وه‌زیری ده‌ره‌وه‌ی عێراق سه‌ردانی توركیا ده‌كات و بڕیاره‌ چه‌ند پرسێكی هه‌رێمی و ناوچه‌كه‌ و هه‌ردوولا تاوتوێ بكه‌ن و ماوه‌ی دوو رۆژ ده‌مێنێته‌وه‌.



هه‌ر له‌و به‌یاننامه‌ی وه‌زاره‌تی ده‌ره‌وه‌ی توركیا روونكراوه‌ته‌وه‌ كه‌ هۆشیار زێباری وه‌زیری ده‌ره‌وه‌ی عێراق له‌سه‌ر داوه‌تی وه‌زیری ده‌ره‌وه‌ی توركیا ئه‌حمه‌د داود ئۆغلۆ، سه‌ردانی توركیا ده‌كات، بۆ ئه‌وه‌ی چه‌ند پرسێكی نێو ده‌وڵه‌تی و هه‌رێمی هه‌نوكه‌یی له‌گه‌ڵ په‌یوه‌ندییه‌كانی هه‌ردوولا تاوتوێ بكه‌ن.



ئاماژه‌ی به‌وه‌شداوه‌ كه‌ زێباری ئه‌مڕۆ سه‌فه‌ر ده‌كات و بۆ ماوه‌ی دوو رۆژ به‌رده‌وام ده‌بێت.