جێگری تایبه‌تی ئه‌مینداری گشتی نه‌ته‌وه‌یه‌كگرتووه‌كان له‌ عێراق جۆرجی بۆستن، سه‌رسامی و توڕه‌یی خۆی له‌به‌رامبه‌ر ئه‌و هێرشه‌ تیرۆرستانه‌ ده‌ربڕی كه‌ بازاڕ و شه‌قامی بازرگانی و باخچه‌كانی له‌ به‌غدا و ناوچه‌كانی دیكه‌ی كرده‌ ئامانج، له‌ كاتێكدا خه‌ڵك سه‌رقاڵی به‌سه‌ربردنی پشووی جه‌ژنی ره‌مه‌زانبوون.


بۆستن، له‌ لێدوانێكی رۆژنامه‌وانیدا، ئاماژه‌یدا: ئه‌و كوشتاره‌ نامرۆڤانه‌یه‌ی روویاندا ره‌نگدانه‌وه‌ی ئه‌نجامده‌رانیه‌تی، پرسه‌ و سه‌ره‌خۆشی خۆی به‌ خانه‌واده‌ی كوژراوان راگه‌یاند و هیوای چاكبوونه‌وه‌ی بریندارانی خواست، وتیشی\"پێویسته‌ سه‌رجه‌م عێراقییه‌كان بۆ دانانی سنورێك بۆ ئه‌و توندوتیژییه‌ خوێناویانه‌، یه‌كگرتوو بن، چونكه‌ ئه‌و كردوانه‌ وڵات به‌ره‌و بازنه‌ی ململانێی تایه‌فه‌ی په‌لكێش ده‌كات."