سه‌رچاوه‌یه‌ك له‌ئاسایشى عێراقی راگه‌یاند پێش نیوه‌رۆى ئه‌مڕۆ چه‌ند چه‌كدارێك له‌بۆ سه‌یه‌كدا حه‌وت سه‌ربازى عێراقییان تیرۆر كرد كه‌ بۆ به‌ سه‌ربردنى پشووى ئاسایی خۆیان مۆڵه‌ت درابوون.

به‌پێی هه‌مان سه‌رچاوه‌ كه‌ نه‌یویست ناوى خۆى ئاشكرا بكات وتى : چه‌ند چه‌كدارێكى نه‌ناسراو له‌ بۆسه‌یه‌كدا كه‌ بۆ سه‌ربازانى عێراقیان دانابوو له‌پێش نیوه‌رۆى ئه‌مرۆ له‌كاتى گه‌رانه‌وه‌ى سه‌ربازه‌كان بۆ به‌سه‌ر بردنی پشووى ئاسایی خۆیان له‌ئه‌نجامدا حه‌وت سه‌رباز كوژران. له‌درێژه‌ى لیدَوانه‌كه‌ى ڕاگه‌یاند : ئه‌م هێرشه‌ له‌ باكورى رۆژئاواى موسل نزیك بادوش ڕویداوه‌ وسه‌ربازه‌كان خه‌ڵكى باشورى عێراقن . جێگای باسه‌ له‌م ناوچه‌یه‌دا چه‌ند گرۆپێكى تیرۆرستی توندڕه‌و ئه‌م جۆره‌ كارانه‌ ئه‌نجام ده‌ده‌ن , ئه‌م ناوچه‌یه‌ش ڕووبه‌رێكى فراوان ده‌گرێته‌وه‌ تا ده‌گاته‌ سنوره‌كانى سوریا.