لیستى عێراقییە بەسەرۆكایەتیى ئەیاد عەلاوى سەرۆك وەزیرانى پێشووترى عێراق، دڵگرانیى خۆى لەوە پێشان دا كە خۆپێشاندانەكەى ئەمڕۆ هەینى لەلایەن هەندێكەوە بە\"بەعسى\"" و \""سەرانى ڕێژیمى پێشوو هاتووەتە وەسپكردن، هاوكات وریاداریى حكوومەتى دا لەو گۆڕانكارییەى كە ناوچەى عەرەبى بەخۆوە دەبینىَ.

حەیدەر مولا گۆتیارى لیستى عێراقییە راگەیاند \""ئاراستەكردنى تۆمەت بەخۆپێشاندەران و وەسپكردنیان بەبەعسى و سەرانى ڕێژیمى پێشوو شتێكى ناڕەوایە\"".

ڕوونى كردەوە \""بەرپرسیارەتیى ئەخلاقیى حكوومەت ئەوەیە گوىَ لە داواكارییەكانى خۆپێشاندەران بگرىَ و كار بۆ جێبەجێكردنیان بكات\"".

زیاتر گوتى \""پێویستە حكوومەتى عێراق ئاگەدارى ئەو گۆرَانكارییانە بىَ كە ناوچەكە بەخۆوە دەبینىَ و بەڕژدى مامەڵە لەگەڵ دەنگى ناڕەزاییى خەڵك بكات\"".

مولا كە لیستەكەى پاڵپشتیى بۆ خۆپێشاندانەكەى ئەمڕۆ پێشان داوە، ئاماژەى بەوەش دا \""دیاریكردنى خاڵە نەرێنییەكان پێویستى بەوردبوونەوە نییە، ناجێگیریى دۆخى تەناهى و نەبوونى خزمەتگوزارییە بنەڕەتییەكان شتێكى دیار و ئاشكرایە، بۆیە پێویستە حكوومەت كار بۆ جێبەجێكردنى داواكارییەكانى لاوان بكات\"".

لە 5ى ئەم مانگەوە شارەكانى عێراق خۆپێشاندانى جەماوەرى بۆ ناڕەزایى دەربڕین لە كەمیى حزمەتگوزارى و نەبوونى تەناهى لە وڵات بەخۆیانەوە دەبینن.

-آكانیوز"