ئەگەر چی لە ساڵی 2011 تاكو 2018 بە شێوەیەكی پچڕاوی سیلینا گۆمێز و جاستن بەیبەر خۆشەویستی یەكتر بوون, بەڵام بەپێی ئەو هەواڵانەی بڵاوكراوەتەوە لەلایەن سەرچاوەیەكی نزیك لە سیلینا گۆمێزەوە هاتووە كە, هاوسەرگیریی جاستن بەیبەر و هێلی بالدوین, هیچ كاریگەریی نەبووە لە سەر سیلینا, بەڵكو بە پێچەوانەوە جیابوونەوەی سیلینا لە جاستن بەیبەر بووە مایەی پشوودان و خۆشگوزەرانییەك كە بتوانێت زیاتر سەرنج بخاتە سەر كارەكانی .

هەر بۆیەش سیلینا گۆمێزی گۆرانیبێژی ئەمەریكی هەوڵدەدات خۆی بە كێشەی گرنكتر سەرقاڵ بكات و كاری لەسەربكات, وە خۆی بە دوور بگرێت لە بابەتی هاوسەرگیری ئەم دوانەیە, لە ئێستادا سیلینا لە نێو هاوڕێ و خێزان و دۆستانی كاتێكی خۆش بەسەر دەبات, وە بیر لە هاوسەرگیرییەكەی (جاستن بەیبەر و هێلی بالدوین) ناكاتەوە, هەر بەم هۆیەوە بەچەند كاتژمێرێك دوای هاوسەرگیرییەكە, سیلینا ڕاپۆرتێكی بەكاریگەری لەسەر ژیان و قەیرانی پەنابەران بڵاوكردەوە, هەروەها نوێترین دەركەوتنی لە چەند وێنەیەك پێكدێت كە سیلینا دوای تەواو بوونی كارەكانی ستۆدیۆ بەجێ دەهێڵێت .