تەواو بوونی شەحنی باتری موبایل بۆ ئەوانەی لەكاتی پێویستیدا تووشی دەبن گرفتێكی گەورەیە، پاوەربانكەكان هەتا رادەیەك كێشەكەیان چارەسەر كردووە، بەتایبەتی بۆ وڵاتێكی بێ كارەبای وەك ئەم هەرێمە..
پاوەربانكەكان دەتوانن لەكاتێكی وادا بە فریای بەكارهێنەری موبایل بن، بەڵام زۆربەیان گەورەن و شوێن دەگرن، پاوەربانكی (finger pow) رێگا چارەیە بۆ هەموو ئەوانەی كە بەدوای پاوەربانكێكی بچووك دادەگەڕێن، كێشی (فینگێر پاو) تەنیا 15 گرامە، موگناتیسیە و بە شوێنی شەحنكردنەوە دەنووسێ لە ماوەی 30 خولەكەدا دەتوانێت 25 شەحن بۆ موبایلەكە دابین بكات. خودی پاوەربانكە مایكرۆكە شەحن دەبێتەوە و شوێنێكی هەیە جێگای چوار (فینگێر پاو) دەبێت. بە هەر چواریان دەتوانن موبایلێك شەحن بكەنەوە..