ئەوانەی كار بەماوس دەكەن، ئەگەر لە رۆژدا چەند كاتژمێرێكی بەردەوام كار بكەن مەچەكیان تووشی ئازار دەبێت و زۆر جاران تووشی ئەستووربوونی مەچەك دەبێت. هەرچەندە لەمێژە هەوڵدراوە ماوس و كیبۆردی ئۆرگۆنۆمیك بەرهەم بێت، ئۆرگۆنۆمیك بەو واتایە دێت كە ئامێرێك بەكار بێنی كە لە داهاتوودا تووشی ئازارت نەكات، یان خۆت بە جۆرێك كاری پێبكەی لە داهاتوودا تووشی ئازار نەبی.
ماوسە ئۆرگۆنۆمیكەكان گەلێكن، هەندێكیان بەشێوەی ستونی و هەندێكیان بە شێوەی ئاسۆیی كەڵكیان لێوەردەگیردرێت، لە ماوسی ئۆرگۆنۆمیدا مەچەك ناجوڵێت و پەنجەكان ئەركەكان ئەنجام دەدەن، هەرچەندە تاكو لەسەر ئەم ماوسانە رادێی هەندێكی پێدەچێت. ماوسی ئۆرگۆنۆمی زیاتر بۆ ئەوانەیە كە پەنجەكانیان گەورەن و كاركردن بەو ماوسانە ئاسانترە. ئەو ماوسانە پێویستیان بە «پاد» نییە ئەو دۆشكچەیەی لە ژێر ماوس دادەندرێ.