یەکێک لە ئامانجە سەرەکیەکانی کۆمپانیای فەیسبووک بریتیە لە پاک راگرتنی تۆڕە کۆمەڵایەتیەکەی کە هەموو جۆرە توند و تیژی و بیرێکی توند ئاژۆیی ، بۆ ئەم مەبەستەش چەندان مەرجی داناوە بۆ بڵاو کردنەوەی هەر بابەتێک و وێنەیەک یاخود ڤیدیۆکان.
هەرچەندە بەردەوام هەزاران بابەت و وێنە لە فەیسبووک رەش دەکرێنەوە کە لەگەڵ مەرج و یاساکانی فەیسبووک ناگونجێن ، بەڵام لەبەر زۆری بابەتی رۆژانە و بەردەوامی پۆست کردنیان لەلایە گروپ و لایەنەکانەوە، نەتوانراوە بە تەواوەتی بنبڕ بکرێت.

بەڵام ئەمجارەیان فەیسوک بڕیاری داوە کاری زیاتر لەسەر ئەو بابەتە بکات و هەوڵ بدات ئەم تۆڕە پاک تر رابگرێت بەردەوام لە ژێر چاودێریەکی توند دابێت.
بۆ ئەم مەبەستەش فەیسبووک کۆمەڵێک یاسای نوێی نوسیوەتەوە و بڕیار وایە کار لەسەر ئەم یاسا و مەرجانە بکات و بڕیار دراوە زیاتر لە 4000 کەس دابمەزرێندێن لەلایەن فەیسبووکەوە بۆ پێداچونەوە ئەو ریپۆرتانەی کە بەردەوام دەکرێت دەربارەی بابەتەکان و خێراتر پێداچونەوەیان لەماوەیەکی کەمتر، بەمشێوەیە تەواوی بابەتەکان بەردەوام لە ژێر چاودێری دەستەی دژە توندوتیژی دەبن و ئەگەری بڵاو کردنەوەی پۆستی هاوشێوە کەمتر دەبێتەوە.
لەسەرووی هەموو مەرج و یاساکاندا ، کۆمپانیای فەیسبووک بەردەوام بەکارهێنەرانی ئاگادار دەکاتەو ەکە هەرکاتێک بابەتێکیان دیت کە هەڵگری بیری توند و تیژیە بە هەرجۆرێک لە جۆرەکان بێت ، ئەوا راستەوخۆ بابەتەکە ریپۆرت بکەن بۆ ئەوەی لیژەنەی پەیوەندی دار ئاگادار بن،

سەرچاوە techeye.org