زۆر كەس زوو شت لەبیر دەكەن یان زەینیان ئەوەندە ئاڵۆزە نازانن ئامێر و پێداویستی رۆژانەیان لە كوێ دادەنێن، بۆیە مۆبایل، چاویلكە، كامێرا, فلاش میمۆری بە كورتی كەرەسە پێویستییەكانی ژیانی رۆژانەیان لەبیر دەچێت و فەرامۆشكارن... تەكنەلۆژیای نوێ زۆر ئامێری بۆ ئەوانەی زەینیان ئاڵۆزە بەرهەم هێناوە.. رۆژ لەگەڵ رۆژیش شتی نوێتر بەرهەم دێ.. بەرهەمەكانی (چیپۆلۆ) نوێترین بەرهەمن لەم بوارەدا.. ئەوانیش چەند جۆریان هەیە، یەكێك لە جۆرەكان (Chipolo sticker)ە، بەهۆیەوە دەكرێت ئامێرە بچووكەكان یان كەلوپەلی ماڵەوە ون نابن و دەزاندرێت لە كوێ داندراون. ئەم جۆرەیان زۆر بچووكە، رەنگە بچووكترین دۆزەرەوەی وایەرلەیس لە جیەان بێ. بەشێوەی وایەرلەیس شەحن دەبێتەوە.
جۆری chipolo plus: ئەمەیان دەنگی زۆر بەرزە واتە كاتێك لە شوێنێكی قەرەباڵغیشدا شتێك بزر بكەی دەتوانێ ئاگادارت بكاتەوە.
جۆری chipolo clip: زۆر تەنكە بە جۆرێك تەنانەت دەتوانی بە گۆرەوی، كارتی بانكی، پاسپۆرت، جزدانی پارەوە بینوسینی و لەكاتی پێویستدا ئاگادارت دەكاتەوە، باترییەكەی هەتا یەك ساڵ دانابەزێت...
گشت ئەو جۆرانەی باسكران، بەهۆی سیستەمی بلوتوسەوە لەگەڵ مۆبایل پەیوەند دەدرێن و هەتا مەودای 60 مەتر دەتوانێت ئاگادارت بكاتەوە، تەنانەت ئەگەر لەو مەودایەش دانەبێت لەسەر مۆبایلەكە دواین شوێنی شتە ون بووەكە نیشان دەدات.. لە ئاپەكەی مۆبایلدا دەیەێنێتە لیستی شتە ون بووەكان و هەركاتێك رێگات كەوتە نزیك شتەكە خۆی ئۆتۆماتیكی ئاگادارت دەكاتەوە.