كاتێك گەشت دەكەی بۆ ناوچەیەكی دوورە دەست یان شوێنێكی نەناسراو، ئاگاداری هەلومەرجی جوگرافی ئەو شوێنە نی، نازانی مەترسییەكان لە چ لایەكەوە دێنە پێش، بە تەنیا هەڵگرتنی چەكێكی گەرم یان سارد ناتوانێ وەڵامدەرەوە بێت، جار هەیە رەنگە كاتەكە ئەوەندە ئەستەم بێ نەتوانی دەست بۆ مۆبایلیش بەری.
ئامێرێكی وەك Occly لەكاتێكی وادا دەتوانێ فریادرەس بێت، چونكە بە داگرتنی تەنیا دوگمەیەك بە ئاسانی و بە خێراییەكی زۆر لە یەك كاتدا چەند كامێرایەك كە لە هەموولاوە وێنە دەگرن و بەرێی دەكەن ئەكتیڤ دەبێ، مایكێك دەنگەكان تۆمار دەكات، گلۆپێكی رووناكی دەبەخشێت، زەنگی مەترسیش بە دەنگی بەرز لێدەدرێ. هەم بە دەنگ و هەم بە رووناكییەكە دەتوانی ئەوانەی زۆر لێت دوور نین ئاگادار بكەیەوە. ئامێری ناوبراو دەنگ تۆمار دەكا و بۆ ناوەندییەكی ئاگاداركردنەوە بەڕێ دەكات.