كۆمپانیای ئێل جی لە پیشانگای ساڵانەی CES 2017دا پرۆژكتەری (ProBeam)ی خستەڕوو، پرۆژكتەرەكە توانای ئەوەیە وێنەكان بە رووناكیی 2000 لۆمن لەسەر پەردە یا دیواری تایبەت نیشان بدات. ئەوە بەو مانایە دێت كە دەكرێت لە ژوورێكی رووناكیش وێنە نیشان بدات كە پرۆژكتەرەكانی دیكە ئەو توانایەیان نییە.
پرۆژكتەری ناوبراو كوالیتی نیشاندانی فیلمەكانی HDیە. تایبەتمەندییەكی گرنگی پرۆژكتەرەكە ئەوەیە وێنە و فیلمەكانی سەر شاشە بە راستەوخۆ لەسەر دیوار یان پەردە بڵاو دەكاتەوە. ئەو وێنانەی كە لە شاشە بچووكەكانی مۆبایلەكاندا بە باشی نابیندرێن بە ئاسانی بەهۆی ئەو پرۆژكتەرە دەكرێت نیشان بدرێن، جگە لەوەش دەكرێت دەنگی فیلمەكانیش بۆ سپیكەرە بلوتوسییەكان بگوازێتەوە.