ئەمڕۆ کۆمپانیای LG بە فەرمی ئەوەی پشتڕاست کردەوە، کە بەرهەمی داهاتووی زنجیرەی مۆبایلی V بەناوی LG V20 دەبێت، ئێمە دەزانین کە کۆنگرەی IFA نزیکە و بە ئەگەرێکی زۆریشەوە لەوانەیە پێش ئەوەی مانگی نۆ کۆتایی پێبێت کۆمپانیای کۆریەکە پەردە لەسەر مۆبایلەکە لابدات.دوای ئەوەی بە تەواوی پشتڕاست کرایەوە کە نوێترین بەرهەمی LG بەناوی LG V20 دەبێت، ئەوەش پشتڕاست کراوەتەوە کە نەوە نوێکە بۆ یەکەمین جار لەسەر نوێترین وەشانی سیستەمی ئەندرۆید (ئەندرۆید نۆوگەت ۷.۰) دەبێت، ئەمەش دەبێتە یەکەمین مۆبایل کە خاوەن وەشانی ئەندرۆید نۆوگەت بێت!

دەربارەی تایبەتمەندیەکانی LG V20، کۆمپانیای LG لەم نەوەیەیدا هەوڵ و توانایەکی زۆری خستووەتە گەڕ مۆبایلەکەی کە هیچ جۆرە تایبەتمەندیەکی مۆبایلەکە دزەی پێنەکرێت، له پێشووشدا هیچ جۆرە تایبەتمەندیەکی دزەپێکراومان نەبینی، ئێمه پێویستە چاوەرێ بکەین وببینین پێش ئەوەی هەوڵی زانینی تایبەتمەندی دزەپێکراو بدەین.

دەربارەی وەشانە نوێیەکەش چەند لێدوانێک دراوە، کە (ئەندرۆید نۆوگەت لەم مانگەدا بەردەست دەبێت) .
سەرچاوە www.kitn.net