ئامێرێك بۆ حەسانەوەی چاوەكانت
سەردەمی دیجیتالی زیانی بۆ گشت ئەندامانی جەستە بووە، بەتایبەتی چاوەكان چونكە، مۆبایل، كۆمپیوتەر، تەلەڤزیۆن هەرچی خاوەنی شاشە بێت تیشك دەدەنەوە و زیانیان بۆ چاوەكان هەیە، دەبێتە مایەی سووتانەوە ماندوویەتی چاوەكان، هۆكارەكەشی بۆ ئەوە دەگەڕێتەوە كە تەڕایی گلێنەی چاو وشك دەبێت و چاو دەسووتێتەوە. رێگا چارەی ئەمە چییە. دیسان پەنا بردنە بەر دونیای دیجیتالی...
ئامێری Aurai ئامێرێكە دەتوانێت ماندوویەتی چاوەكان كەم بكاتەوە.. ئەو چاویلكەیە هەركات خستە سەر چاو سەرما و گەرمای دەوروبەری چاو رێك دەخات، جۆرە ماساژێكی هەیە، چەوری دەوروبەری پێلووی چاو شل دەكاتەوە خوێن بۆ دەوروبەری چاو دەنێرێ. ئەو ئامێرە هەر ئەوە ناكات بەڵكو رێژەی بینایی بەكارهێنەرەكەی دەزانێ و پێی دەڵێت چ كاتێك پێویستی بە چاویلكەیە یان چ چاویلكەیەك بۆت دەگونجێت، هەروەها پێت دەڵێت چ كاتێك حەسانەوە بدەی بە چاوەكانت.