چاویلكەكی سمارت تایبەت پایسكل سوار
سەردەم بەرەو بە دیجیتالی بوون دەڕوات بێگومان ئەو تەكنەلۆژیە پایسكل سواریشی گرتۆتەوە، ئێستا كۆمپیوتەر هەن كە تایبەتن بە پایسكل و زانیاری وەزرشی و چۆنییەتی رۆیشتن لەخۆیدا تۆمار دەكەن، لەگەڵ ئەوەشدا لەم دواییەدا چاویلكەی SOLOS بەرهەم هاتووە كە خێرایی، رێژەی سووتاندنی كالۆری، ژمارەی ئەو پێدانانەی لێدراون، هەلومەرج و سەختی رێگاكان، زانیاریەكانی تایبەت بە تەندروستی لەخۆیاندا كۆدەكەنەوە. هەموو ئەو زانیاریانەی كۆیان دەكاتەوە بۆ مۆبایلێكیان بەڕێ دەكات كە پێشتر بۆی ئامادە كراوە. شاشەی چاویلكەكە لە جۆری UHDیە. شاشەی چاویلكەكە 5 ئینجە، جگە لەوەش زانیاری وەك لێدانی دڵ، خێرایی، مەودای تا مەبەست، زەنگی پێدان لێدان، ماوەی كاتی گەیشتن تا مەبەست و زانیاریی دیكە بەهۆی بلوتوسەوە بۆ مۆبایلێكی هۆشمەند بەڕێ دەكرێن.
