رۆباتێك بە دارودیوار هەڵدەچێ
　
　لە دونیای تەكنەلۆژیادا ئەم دوو ساڵە هیچ ئامێرێكی تەكنەلۆژی بەقەد رۆبۆت كاری لەسەر نەكراوە، رۆبۆتەكان جێگای خۆیان لە ژیانی شەخسیمان دا دەكەنەوە، دەبنە كاركەری ماڵەوە، دەبنە سكرتێری نووسینگەكان، دەبنە پاسەوان و چاودێر.. تاد. رۆبۆتەكان جیاوازن و ئەركەكانیشیان جیاواز بۆ نموونە رۆبۆتی VertiGo ئەو رۆبۆتەیە كە نە تەنیا لەسەر زەوی بەڵكو بەدارو دیواریش هەڵدەچێت. دوو باڵی بچووكی فڕۆكە و 4 تایە لەو رۆبۆتەدا سوودیان لێوەرگیراوە. رۆبۆتەكە لە داهاتوودا گرنگییەكی زۆری دەبێت بەتایبەتی بۆ ئەو شوێنە بەرزانەی كە مرۆڤ بە ئاسانی دەستی پێی ناگات، بەتایبەت بۆ كاروباری پەیوەندیدار بە كارەباوە...