كورتەپەیام و ناو و پرۆگرامە سڕاوەكانی مۆبایل بگەڕێنەوە
　
　پرۆگرامە ریكۆڤەرییەكان واتە ئەوانەی ئەركیان گەڕاندنەوەی بابەت و فایلەكان لە كۆمپیوتەردا گەلێك زۆرن و توانا و كاركردیشیان جیایە، بەڵام پرۆگرامێكی ئەوتۆ بۆ گەڕاندنەوەی كورتەپەیام و وێنە و ناو و پرۆگرامە سڕاوەكانی مۆبایل نییە كە بتوانێ بە باشی ئەركەكان جێبەجێ بكات، جگە لە پرۆگرامی Wondershare Dr.Fone for Android نەبێت، ئەم پرۆگرامە بەبێ رێكلام لە ریزی باشترین پرۆگرامەكانە.. پرۆگرامەكە دادەبەزێتە سەر كۆمپیوتەر و پاشان كە بەهۆی كێبڵەوە مۆبایلەكەت لە كۆمپیوتەرەكە پەیوەند كرد، بە خێرایی دەتوانی زانیارییە سڕاوەكانی سەر مۆبایلەكە بگەڕێینەوە شوێنی خۆی تەنانەت ئەگەر لە سیمكارتیش دابێت..پرۆگرامەكە لەگەڵ سیستەمی ئەندرۆید دەگونجێت و پشتیوانی لە زۆربەی مۆبایلەكان دەكات.