رۆبۆت دەبێتە ئەندامێكی خێزان
پێدەچێت ئەو رۆبۆتانەی لە فیلمە زانستی –خەیاڵییەكاندا دەماندیتن ببن بە راستی. ئەو رۆبۆتەی كە وێنەكەی دەبینن پێی دەگوترێت BUDDY و كۆمپانیایەكی فەرەنسی بەرهەمی هێناوە، بە رۆبۆتی كۆمەڵایەتی ناسراوە. رۆبۆتەكە دەتوانێت بە زمانی سروشتی لەگەڵ مرۆڤەكان پەیوەندی دامەزرێنێ و لە مەبەستەكانیشیان تێبگات، جگە لەوەش ئاگاداری كەلوپەلە ئەلكترۆنییەكانی ماڵەوە دەبێت، گلۆپەكان هەڵدەكات و دەكوژێنێتەوە، ئاگاداری ئەندامانی ماڵەوە بێت، لەوەش گرنگتر رۆبۆتەكە دەتوانێت ئەندامانی ماڵەوە لەكاتی خۆیدا هەستێنێ یان وێنە و فیلمیان لێ هەڵبگرێتەوە.
