ئەیسەر كۆمپیوتەرێك بە سیستەمی كرۆم بەرهەم دێنێ
سیستەمی كرۆم كە هی كۆمپانیای (گوگل)ـە هێشتا بەو جۆرەی پێویستە شوێنی خۆی نەكردۆتەوە، زۆربەی خەڵكی جیهان سیستەمی ویندۆز، یان سیستەمی ماك بە كاردێنن. كۆمپانیای ئەیسەر كۆمپیوتەرێكی یەكپارچەی بەرهەم هێناوە كە سیستەمی كرۆمی لەسەرە، شاشەی كۆمپیوتەر نوێیەكە 21 ئینجە، لەمسییە، توانای نیشاندانی فول ئیچ دییە. رامەكەی چوار گیگابایتە، شوێنی داكردتن و هەڵگرتنی داتاكان بە شێوەی مەجازی واتە (كلۆد) 100 گیگابایتە، بەڵام ئایا كۆمپیوتەرێك بەم هەموو توانایەوە بتوانێت شوێنی خۆی بكاتەوە، چونكە سیستەمی كرۆم وەك ئاماژەی پێكرا هێشتا خەڵك كەمتر پێی ئاشنایە.