هیندستانیش هاتە ناو جیهانی دیجیتالی نوێوە
چەند ساڵێكە كۆمپانیا چینییەكان كە هەرچەند بەداخەوە لەم هەرێمەی ئێمەدا ناوبانگیان بەباشی نەڕۆیشتووە و لە ریزی بێ كوالیتی ترین بەرهەمەكان دابوونە، بەڵام هەرزان بایی بوونە نامۆ نین و ناسراون، گەرچی لەم دواییەدا بە خستنەڕووی مۆبایلی و ئامێری جۆری هواوی (huawi) ویستوویەتی ئەو ناوبانگەی جارانی نەمێنێ، چونكە مۆبایلی ناوبراو لە ریزی باشترین مۆبایلە ژیرۆكەكانن. ئێمە كەمتر گوێمان لێبووە كە هیندستان خەریكی بەرهەم هێنانی مۆبایل و كۆمپیوتەر و ئامێری دیكەی هۆشمەند بێت، زیاتر هیندستان لەلای ئێمە بە فیلمەكانییەوە بەناوبانگە، بەڵام لەم دواییەدا كۆمپانیای هیندی LAVA نوێترین مۆبایلی سمارت و تەنكی خستەبازاڕەوە. مۆبایلە هۆشمەندەكە شاشەكەی 4.7 ئیندە و لە جۆری HD IPS LCDیە. كامێراكەی 8 میگاپیكسلە جگە لەوەی كامێرایەكی 3 میگاپیكسلی لە پێشەوە هەیە. دوو سیمكارت دەخوێنێتەوە. ناوبانگی مۆبایلەكە لەبەر كەڤەر و قەپێلكەكەیەتی، چونكە تەواو لە كانزای منیزیۆم چێكراوە. تەنكییەكەی 4.5 ملمە و كێشەكەی تەنیا 114 گرامە.