ئەگەر پێتوایە بەداگرتنی دوگمەی Delete لەسەر فایلێك یان وێنەیەك ئیدی بۆ هەمیشە ئەو فایلە لەكۆمپیوتەرەكەدا دەسڕێتەوە، هەڵەیە! چونكە هیچ فایلێك لە كۆمپیوتەردا ناسڕێتەوە و دەكرێت بەهۆی چەند پرۆگرامێكی كە تایبەت بە هێنانەوەی ئەو فایلانەی سڕاونەتەوە بیانگەڕێنیتەوە. چەندین پرۆگرام هەن ئەركی سڕینەوەی فایلەكان جێبەجێ دەكەن بۆ نموونە پرۆگرامی EraserDrop ئەم ئەركە بە ئاسانترین شێوە ئەنجام دەدات، تەنیا ئەوەندە بەسە كە ئەو فایلەی مەبەستتە بسڕێتەوە دەیگر یت و دەیخەیە ناو پرۆگرامەكە وە، بۆ ئەوانەی شارەزای پرۆگرامەكە نین بەم چەند قۆناغە رێنوینیان دەكەین كە بە ئاسانترین شێوە سوود لە پرۆگرامەكە وەربگرن.
دوای دابەزاندنی پرۆگرامەكە، پرۆگرامەكە دەكەیتەوەو لەوێدا ئایكۆنێك دەبینیت كە هێمای لەت لەتكردنی كاغەز نیشان دەدات. یان لەسەر ئایكۆنی پرۆگرامەكە راست كلیك دەكەیت و فەرمانی Options دەكەیتەوە. لەوێدا Eraser method هەڵدەبژێریت و یەكێك لە فەرمانەكانی ناو لیستەكە هەڵدەبژێریت، هەركام لە فەرمانەكان خێرایی و لەسەرخۆیی سڕینەوەكە نیشان دەدەن، هەتا لەسەرخۆتر بێت زیاتر دەسڕێتەوە. جگە لەوەش پرۆگرامەكە پورتێبڵە و دەتوانی لە فلاش میمۆرییەكدا خەزنی بكەیت و لەسەر هەر كۆمپیوتەرێك كە هی خۆت نەبێت فلاشەكە دابنێیت و پاشان فەرمانی سڕینەوەكە لێبدەیت.