تهبلێت واته ئهو كۆمپیوتهری كه تهنیا له یهك شاشه پێكهاتووه وهك تهبلێتی جۆری ئایپاد، گالاكسی، ئایسهر...تاد. چهند شتێك تهبلێت له كۆمپیوتهری لاپتۆپ جیا دهكاتهوه ئهوهیه كه كیبۆرد له تهبلێتدا نییه و مهگهر لهلاوهكی بۆی دابندرێت، ههروهها قهبارهكهی و كێشی له لاپتۆپ بچووكتره. بهڵام ئهم تهبلێتهی كه وێنهكهی لێرهدا دیاره جیاوازییهكی زۆری ههیه له گهڵ تهبلێتی دیكه، چونكه شاشهكهی 21,5 ئینجه واته به قهد تهلهڤزیۆنێك.. كێشی تهبلێتهكه 5 كیلۆیه كه ئهمهش بۆ تهبلێت كێشێكی زۆره.
تهبلێتی جۆری FT103 وهك گهورهترین تهبلێت لهجیهاندا ناسراوه، تواناكانی ئهم تهبلێته گهورهیه ئهمانهن: دیقهی نیشاندانی شاشهكهی فول ئێچ دییه، سیستهمی بهگهڕخهری ئهندرۆیدی لهسهره، یهكهی لێكدهرهوهی یهك گیگاهێرتزه. رامهكهی یهك گیگایه و هاردهكهی 8 گیگایه كه له ئاست تهبلێتێكی وا گهوره رام و هاردهكهی زۆر له خوارێیه. رهنگه كۆمپانیا بهرههمهێنهری تهبلێتهكه ئامانجی له بهرههمهێنانی تهبلێتێكی وا زیاتر حاڵهتی سهرنج راكێشان بێت، ئهگینا كهم كهس ههیه 5 كیلۆ لهگهڵ خۆی بگیرێت ئهگهر كاراییهكی ئهوتۆشی نهبێت.