خوێنەرێكی بەڕێز دەپرسێت، هەروەك دەزانن تۆڕی فەیسبووك گەورەترین تۆڕی جیهانییە بۆ پێوەندی و ئاڵوگۆركردنی بیروڕا، حەز دەكەم لەگەڵ زۆر كەس ببم بە هاوڕێ لە فەیسبووكدا كەچی كە داوای دۆستایەتیان لێدەكەم، هیچ وەڵامێكیان نییە، بەچی بزانم ئەوان وەك هاوڕێ منیان قبوڵ نییە؟ ئایا هیچ شتێك هەیە كە بۆت ڕوونبكاتەوە ئەو هاوڕێیە تۆی لە ڕیزی هاوڕیانی دەرهێناوە یان تۆی وەك هاوڕێ قبوڵ نییە؟
بەڵێ خوێنەری بەڕێز پرۆگرامێكی بچووك هەیە بەناوی unfriend finder كە لەگەڵ زۆربەی ئەو پرۆگرامانەی ئینتەرنێتیان پێدەكرێتەوە دەگونجێت، بەدانانی ئەو پرۆگرامە لەسەر كۆمپیوتەرەكەت لە شریتی فەیسبووكەكەتدا واتە لەو فەرمانێك زیاد دەبێت بەناوی unfriend finder هەركە یەكێك لە هاوڕێیانت تۆی لە ڕیزی هاوڕێكانی خۆی دەرهێنا، لەو بەشەدا نیشان دەدرێت، یان ئەگەر یەكێك تۆی وەك هاوڕێ قبوڵ نەكرد ئەوكاتیش هەر نیشانت دەدات.