سیستهمی تهلهڤزیۆن چهندین ساڵ بوو هیچ گۆڕانێكی ئهوتۆی بهسهردانههاتبوو، نزیكهی ده ساڵ لهمهوبهر تهلهڤزیۆنی پلاسما بهرههم هات واته تهلهڤزیۆنێك كه به بهراورد به تهلهڤزیۆنی ئهنالۆگ كارایی و توانایی زیاتری ههبوو، دوای پلاسما تهلهڤزیۆنی LCD و دواتریش LED، دوايین سیستهمی تهلهڤزیۆن، تهلهڤزیۆنی جۆری OLEDیه. له تهلهڤزیۆنی OLED دا شاشهكه به جۆرێك تهنكه كه وهك جامێك ئهو دیوی دیكه دهبینی. سامسۆنگ و LG دوو كۆمپانیای كۆریایی له بهرههمهێنانی تهكنهلۆژیای نوێدا له ركابهریدان، چهند مانگ لهمهوبهر سامسۆنگ نوێترین تهلهڤزیۆنی OLED خسته بازاڕ و ئهم ههفتهیهش LG تهلهڤزیۆنێكی 55 ئینجی بهناوی EM960055 خسته بازاڕهوه. تهلهڤزیۆنهكه تهنیا 4 ملم بارستایهتیهتی. كۆمپانیا بهرههمهێنهرهكهی رادهگهیهنێ كه ئهمه تهنكترین تهلهڤزیۆنه ههتا ئێستا له جیهان بهرههم هاتبێت. ههموو كهلێن و كێبڵهكانی تایبهت به دهنگ و رهنگ لهم تیڤیهدا ههیه جگه لهوهش سێ شوێنی تایبهتی به فلاش میمۆری ههیه.