مۆبایله هۆشمهندهكان ئهركی مۆبایلیان ههر له سنووری پهیوهندیگرتن و كورتهپهیام ناردندا نههێشتۆتهوه، بگره ئێستا ئهو ئهركه بۆته ئهركی لاوهكیيان، ئهركهكانی وهك كردنهوهی سایتهكانی ئهنتهرنێت، خوێندنهوهی كتێبه ئهلكترۆنییهكان، بهڕێكردنی ئیمێل، كامێرای زۆر پێشكهوتوو...تاد بهشكێن له ئهركه گرنگ و سهرهكییهكانی مۆبایله هۆشمهندهكان..
گهمهی ئهلكترۆنی كه پێشتر تایبهت به ئامێرهكانی تایبهت به گهمهكردن و كۆمپیوتهر، ئێستا مۆبایله هۆشمهندهكانیش ئهو ئهركه بهڕێوه دهبهن و گهمهی زۆر بههێز و ئامێری گهمهكردنیش بۆ مۆبایل بهرههم هاتوون. یهكێك لهو ئامێرانه دهسكی گهمهی MOGAیه كه كۆنترۆڵێكی نوێی بلوتوسییه، كه بۆ ئامێره ئهندرۆیدهكان بهرههمهاتووه. دهسكی گهمهی جۆری MOGA دوو دهسكی ئهنالۆگ و دوگمهی تایبهت به یاریكردنی تێدایه، ناوهندی ئامێرهكه شوێنێكه بۆ دانانی مۆبایله هۆشمهندهكه. لهگهڵ ئهو دهسكی گهمهیه پرۆگرامێكیش ههیه بۆ كۆنترؤڵكردنی بلوتوسهكه بهناوی MOGA Pivot app كه دهتوانرێت له فرۆشگهی ئهنتهرنێتی گوگل واته Play دانلۆدی بكهی