له‌ جیهانی دیجیتالیدا بازاڕی ته‌بلێت كه‌ كۆمپیوته‌رێكه‌ ته‌نیا له‌ شاشه‌یه‌ك پێكهاتووه‌ گه‌رمه‌، ئه‌وانه‌ی شاره‌زای ئه‌و بواره‌ن ده‌زانن ئایپادی كۆمپانیای ئه‌پل له‌ ریزی یه‌كه‌می ته‌بلێته‌كان دێت. له‌م ماوه‌یه‌دا كۆمپانیای ئاسۆس ئامێرێكی به‌رهه‌م هێنا كه‌ هه‌م مۆبایله‌ و هه‌م ئایپاد، كه‌ ناوی لێناوه‌ "پادفۆن" وه‌ك وشه‌ی "خورمیشی"لای خۆمان!
زۆر كه‌س بۆ گه‌ڕان له‌ جیهانی ئه‌نته‌رنێتدا، یاری كردن، سه‌یركردنی فیلم و وێنه‌ له‌ ته‌بلێت سوود وه‌رده‌گرن تا لاپتۆپ. كۆمپانیای ئاسۆس ئامێری padfone هه‌ر به‌م مه‌به‌سته‌ به‌رهه‌مهێنا، كه‌ به‌كارهێنه‌ر پێویست نه‌كات هه‌ردووكی ئه‌و ئامێره‌ به‌جیا هه‌ڵبگرێت. مۆبایله‌كه‌ هه‌ر به‌هۆی ته‌بلێته‌كه‌ خۆی شه‌حن ده‌كاته‌وه‌. مۆبایل و ته‌بلێته‌كه‌ به‌هۆی پۆرتی HMDI یان USB پێكه‌وه‌ په‌یوه‌ند ده‌درێن.