بەشێکی زۆر لە خانمان لە ئێستادا پەنا بۆ نەشتەرگەری جوانکاری دەبەن بۆ روخسارییان، هەندێکیشییان فیلەر بەکاردەهێنن، کە بەپێی توێژینەوەکان فیلەر مەترسی کەمترە لە نەشتەرگەری، بەڵام بەو واتایە نایەت بێزیان بێت، پێش ئەوەی بڕیاربدەیت فیلەر بکەیت پێویستە ئەم زانیارییە بزانیت کە گۆڤاری Elle بڵاویکردوەتەوە.

یەکەم: نابێت بە روخسارەوە دەربکەوێت
ئەو فیلەرەی دەیکەیت بۆئەوەیە کە چاڵ یان بۆشاییەک لە روخسار پڕ بکاتەوە، کاتێک ئەنجامیدەدەیت نابێت بە روخسارەوە دیاربێت و زیادەڕەوی لە بەکارهێنانی بکرێت، بەمشێوەیە سروشتی تر و جوانتر دەبێت.

دوەم: پزیشک بڕیاردەدات چیت پێویستە
نەخۆشێک بۆ نەخۆشێکی دیکە جیاوازە، ئەوەی بۆ کەسێکی دیکە پێویستە مەرج نییە بۆ تۆ پێویست بێت، هەربۆیە دەبێت پزیشک بڕیاربدات روخسارت چی پێویستە نەک خۆت.

سێیەم: پێشتر زانیاری کۆبکەرەوە
پێش ئەوەی فیلەر بکەیت زانیاری تەواوی لەسەر کۆبکەرەوە دەربارەی ئەوەی چی پزیشکێک باشە، دەتوانێت بەباشی بۆتبکات و ئەنجامێکی باشی هەبێت، هەروەها باشترە زانیاری کۆبکەیتەوە لەسەر فیلەر بەتایبەتی لای ئەو کەسانەی پێشتر کردویانە.

چوارەم: جۆرێکی باش هەڵبژێرە
هەڵبژاردنی جۆری فیلەر زۆر گرنگە، بە گشتی فیلەری "هایەلەلۆنیکا ئەسید" جۆرێکی باشە، لە زۆرینەی توێژینەوەکان پەسەندکراوە، لە ماددەی سروشتی دروستکراوە و بۆ ماوەی 12 بۆ 24 مانگ دەمێنێتەوە.

پێنجەم: پێویستە دوای رێنماییەکانی پزیشک بکەویت
دوای ئەوەی فیلەرت کرد دەبێت بە باشی ئەو رێنماییانە جێبەجێ بکەیت کە پزیشکەکەت پێتدەڵێت، زو زو سەردانی بکە.

شەشەم: کاریگەرییە لاوەکییەکانی بزانە
دوای فیلەرەکە رەنگە دەوروبەری چاو و لێو شین هەڵبگەڕێت یان خوێنی تێبزایەت، بۆ ماوەی چەند رۆژێک دەمێنێتەوە یان هەندێکجار بۆ دو هەفتە، دوربکەوەرەوە لە کحول، ئەسپرین و ئۆمێگا-3 بۆ دو رۆژ، هەروەها دوربکەوەرەوە لە وەرزش و راهێنانی قورس بۆ ماوەی 48 کاتژمێر.




سەرچاوە: خەندان