کاتێک بڕیاری هاوسەرگیری لەگەڵ کەسێک دەدەيت پێویستە ئەو کەسەی هەڵیدەبژێریت بەشێوەیەک بێت کە بۆ داهاتوت لێی دڵنیابیت، چونکە تەمەنێکی درێژ لەگەڵیدا ژیان دەکەیت و پێویستە بیر لە داهاتو بکەیتەوە، چەند نیشانەیەک دەریدەخات ئەو کەسە گونجاوە بۆ ئەوەی هاوسەرگیری لەگەڵ بکەیت.

یەکەم: کەسێکی سەربەخۆیە، پشت بە دایک و باوکی نابەستێت و خاوەن بڕیاری خۆیەتی.

دوەم: کەسێکە خۆشەویستی دەبەخشێت و گرنگی بە کەسانی چواردەوری دەدات.

سێیەم: کەسێکی راستگۆیە و درۆ ناکات، خیانەت ناکات.

چوارەم: کەسێکە بەرپرسیاریەکی ئەو کارانە هەڵدەگرێت کە ئەنجامی دەدات.

پێنجەم: خۆی خۆشدەوێت و دەزانێت چۆن گرنگی بەخۆی بدات.

شەشەم: متمانەی پێتە و گومانت لێناکات.

حەوتەم: کەسێکی هێمنە، لە کاتی توڕەبون سنور نابەزێنێت.

هەشتەم: رێزت دەگرێت و ناچارت ناکات ئەو کارانە بکەیت کە خۆی دەیەوێت.

نۆیەم: بایەخت پێدەدات و کاتێک توڕە دەبیت ئارامت دەکاتەوە، خۆیت لێتوڕە ناکات.

دەیەم: هەمو هەوڵێک دەدات بۆ بەدەستهێنانت و بە زویی دەستبەردارت نابێت.


سەرچاوه : خەندان