ئافرەتی ماڵ، وێڕای هەوڵە پڕ ماندوويەتییەی بۆ پاككردنەوەی ماڵەكهی، هەندێ جار دوای كارەكانی ئەنجامێكی پێچەوانەی دەبێت. بۆ ئاگاداربوون لە هەنگاوە هەڵەكانی ماڵ پاككردنەوە ئەم رێنماییانە لەبەرچاو بگرە:
لە دوای هەر ژەمە خۆراكێكەوە پێویستە فڕن و تەباخەكان پاك بكرێنەوە، چونكە هێشتنەوەیان بە پیسی دەبێتە هۆی بڵاوبوونەوەی بۆن، هەروەها كارەكە قورستر دەكات و لە کاتی پاككردنەوەش ماندووبوونی زیاتری دەوێت، هەنگاوێكی دیكەی هەڵە بریتییە لە بەكارنەهێنانی كەرەستەكانی پاككردنەوە وەك: زاهی و دەرمان و خوێ، كە هەریەك لەو كەرەستانە هۆكارێكن بۆ جوانتر پاككردنەوەی كەلوپەلی ناو چێشتخانە، هەنگاوێكی دیكەی هەڵە، شووشتنی قاپوقاچاخەكانە بە خێرایی، چونكە دەبێتە مایەی جێهیشتنی پەڵە و وردە خواردن لەسەر قاپەكان، ئەمەش دیمەنێكی پۆخڵ و زیانبەخش بۆ تەندروستی دروست دەبێت، بەكارهێنانی تایت و كەرەستەكانی پاككردنەوەی زۆر، زیانی بۆ كەلوپەلەكان دەبێت، هەمیشە پێویستە سەر مێزی خواردن و شوێنی خواردن ئامادەكردن پاك بێت، چونكە فەرامۆشكردنی دیمەنی ژووری چێشتخانە نەشیاوی دەكات.