تەسریحەكانی قژ دەبێ بەپێ خواست و گونجاندنی شێوەی ئەو خانمە بێ، كە داوای دەكات بۆ دانانی ئەو جۆرە تەسریحەیە، هەنگاوەكانی تەسریحە كردن پێویستی بە كاری تایبەت و رازاوە دەبێ، بەڵام هەردەم دەكرێ تەسریحەكانی قژ مایەی جوانی و دیمەنێكی رازاوە بن لە مۆدەكانی قژەوە، بە تایبەت لە رۆژی ئاهەنگی هاوسەری یان بۆنە تایبەتەكان كە خانمان دەشێوێن لەوەی چ جۆرە مۆدەیەك هەڵبژێرن بۆ ئەوەی ستایلێكی گونجاو بێ بۆ تەسریحەی قژیانەوە.
چەندین نموونەی ئامادەكراوی قژ هەیە، دەكرێ سوود لەو مۆدانە وەربگرین و ئەمەش دەبێتە رێگەیەكی تایبەت و ناسك لە هەڵبژاردنی تەسریحەی قژ، بەڵام شایستەترین ئەو تەسریحانە بریتین لە تەسریحەی بەستراو، كە قژ دەبەسترێ و ئیتر كاری رازاندنەوەی بۆ دەكرێ لە بەشی پێشەوە، بەڵام جوانتر دەبێ كاتێك لە دواوە دەبەسترێ و دیمەنی پێشەوەی جیاواز و پێچەوانەی بەشی دواوە دەبێ، ئەمەش بە مەبەستی دانانی دوو جۆرە ستایل لە قژی خانمێكدا، وەك رێگەیەك بۆ زیاتر گەڵالەكردنی مۆدەیەكی رازاوەی تەسریحەی قژ.