وەزیری دەرەوەی ئێران رایگەیاند، بەم زووانە ئێران پرۆژەی خۆی بۆ گفتوگۆكردن لەگەڵ وڵاتانی بەشدار لە رێكەوتنی ئەتۆمی بڵاودەكاتەوە.

محەمەد جواد زەریف، وەزیری دەرەوەی ئێران لە تویتێكدا گوتی: "بەم زووانە پرۆژە و بەرنامەی خۆیان بۆ وڵاتانی بەشدار لە رێكەوتنی ئەتۆمی دەنێرن".

ئەگەر چی، زەریف باسی لە وردەكاری ناو پرۆژەكەی نەكرد، بەڵام گوتی: "گفتوگۆكان دەبێت ھەنگاوی كرداریان لەگەڵ بێت".

ئەو لێدوانەی وەزیری دەرەوەی ئێران دوای ئەوە دێت، كە وڵاتانی ئەوروپایی رایانگەیاند، ئێرانییەكان ئاماژەی ئەرێنیان بۆ دەستپێكردنەوەی گفتوگۆكان بەوان داوە.
k24 -