ئیتاڵیا دەستپێکردنەوەی وادەی گەشتە نێودەوڵەتیەکان و کردنەوەی سەرجەم فرۆکەخانە بنێودەوڵەتیەکانی ئاشکرا دەکات.

لە رێکەوتی 3ی حوزەیرانی ئەمساڵدا سەرجەم فرۆکەخانە نێودەوڵەتیەکانی ئیتاڵیا دەکرێتنەوە

پاولا دی میشێلی، وەزیری گواستنەوە و گەیاندنی ئیتاڵیا ئەمرۆ چوارشەممە رایگەیاند، لە رێکەوتی 3ی حوزەیرانی ئەمساڵدا سەرجەم فرۆکەخانە نێودەوڵەتیەکانی ئیتاڵیا دەکرێتنەوە".

پێشوازی لە گەشتی سەرجەم وڵاتانی جیهان و ناوچەکە دەکات

دی میشێلی ئاماژەی بەوەشدا، لەو بەروارە بەدواوە فرۆکەخانە نێودەوڵەریەکانی وڵاتەکەی پێشوازی لە گەشتی سەرجەم وڵاتانی جیهان و ناوچەکە دەکات.

لە ناوەراستی مانگی شوباتی ئەمساڵەوە، بەهۆ رێکارەکانی کۆنترۆڵکردن و خۆپارێزی لە ڤایرۆسی کۆرۆنا ئیتاڵیا سەرجەم گەشتە نێودەوڵەتیەکانی لە نێوان ولاتەکەی و ولاتانی دیکەی جیهان راگرت،

حکومەتی ئیتاڵیا لە رۆژی 18-ی ئەم مانگە مەیخانە و چێشتخانە و سەرتاشخانەکان کردەوە ئەوەش لەچوارچێوەی خێراکردنی کەمکردنەوەی رێکارەکانی دژی کۆرۆنا لەلایەن حکومەتی ئەو وڵاتەوە.

ئەگەر دۆخی ئابوری وڵات باشتر نەبێت و چالاکییە ئابورییەکان دەستپێنەکەنەوە، 270 هەزار کۆمپانیای بازرگانی و خزمەتگوزاری لەبەردەم مەترسی مایەپوچیدا دەبن و بۆ هەتاهەتایە دادەخرێن.

بەپێی زانیارییەکانی دەزگای ئاماری نیشتیمانی ئیتاڵیا، لەسەرەتای سەرهەڵدانی کۆرۆناوە تائێستا لەسەدا 28.4-ی پیشەسازی گشتی کەمیکردوە.





خەندان-