بەپێی زانیاریی میدیاکانی ڕووسیا، دوێنێ چوارشەممە 2020.5.6 "دێمیتری بووسف" ملیاردێڕی خەڵکی ڕووسیا کە بە هەشتایەمین ملیادرێێ ئەو وڵاتە هاتووەتە ئەژمار تەرمەکەی لە ماڵەکەی دۆزرایەوە و دەگوترێ خۆی کوشتووە.

ئەو ملیاردێڕە ڕووسیە خاوەنی کۆمپانیا گەورەکانی کانە خەڵووز بووە و سامانەکەی بە 1.1 ملیار دۆلار خەمەڵێندراوە.

پێگەی هەواڵی "تاس" لەمبارەوە بڵاوی کردووەتەوە بووسف تەمەن ٥٢ ساڵ دوێنێ چوارشەممە تەمەرکەی لەناو ماڵی خۆی دۆزراوەتەوە و بەپێی لێکۆڵینەوەکانی پۆلیس گوللە بەسەرییەە نراوە.

بەپێی ڕاپۆرتەکان ئەو خۆی کوشتووە، بەڵام هەتا ئێستا لەبارەی هۆکاری خۆکوشتنەکەی هیچ زانیارییەک بڵاو نەکراوەتەوە.

دێمیتری بووسف، خاوەنی کۆمپانیا گەورەکانی "ووستۆک کول" و "سیبانتراسیت" بووە لە بواری بەرهەمی خەڵووزدا.









باسنيوز