تێکڕای ژمارەی توشبوانی کۆرۆنا لە وڵاتانی کەنداو لە ماوەی چەند رۆژی رابردودا بەرزبونەوەی تۆمارکردوە، بەجۆرێک ژمارەی توشبوان لە قەتەر گەیشتوەتە زیاتر لە 14 هەزار و 800 کەس و لە سعودیەش 25 هەزار و 400 توشبو تۆمارکراوە.

بە گوێرەی ئامارە جیهانییەکان زۆترین ژمارەی توشبوانی کۆرۆنا لەسەر ئاستی وڵاتانی کەنداو لە سعودیە تۆمارکراوە، کە 25 هەزار و 459 توشبوە و لەو ژمارەیەش 179 توشبو گیانیانلەدەستداوە.

تا ئەمڕۆ یەکشەممە 14 هەزار و 872 توشبوی کۆرۆنا لە قەتەر تۆمارکراون


هەروەها لە وڵاتی قەتەر ژمارەی توشبوان بە خێرایی بەرزدەبێتەوە و تا ئەمڕۆ یەکشەممە 14 هەزار و 872 توشبو تۆمارکراون، لە ژمارەیەش 12 توشبو گیانیانلەدەستداوە و هەزار و 534 توشبوش چاکبونەتەوە.

هەروەها ژمارەی توشبوانی کۆرۆنا لە ئیماراتی عەرەبی یەکگرتو گەیشتوەتە 13 هەزار و 599 توشبو، لە وڵاتی کوەیت-یش چوار هەزار و 619 توشبو لەلایەن تەندروستی ئەو وڵاتەوە تۆمارکراوە.

سەڵتەنی عوممان بە تۆمارکردنی دو هەزار و 483 توشبو کەمترین ژمارەی توشبونی پەتاکەی لەسەر ئاستی وڵاتانی کەنداو تیایدا تۆمارکراوە


هەروەها تەندروستی بەحرەین، کە یەکێکی دیکەیە لە وڵاتانی کەنداوی عەرەبی سێ هەزار و 284 توشبوی کۆرۆنای لە وڵاتەکەیدا راگەیاندوە، سەڵتەنی عوممانیش بە تۆمارکردنی دو هەزار و 483 توشبو کەمترین ژمارەی توشبونی پەتاکەی لەسەر ئاستی وڵاتانی کەنداو تیایدا تۆمارکراوە.




خەندان