سەرکۆماری میسری عەرەبی بەهۆی پەتای کۆرۆناوە، بۆ ماوەی سێ مانگ، باری لەناکاو لە وڵاتەکەیدا رادەگەیەنێت.

رۆژنامەی فەرمیی میسر بڵاوی کردووەتەوە، عەبدولفەتاح سیسی، سەرکۆماری میسر دوای وەرگرتنی رای ئەنجوومەنی وەزیران و بەهۆی بارودۆخی تەندروستیی و ئەمنیی وڵات، بڕیاری راگەیاندنی باری لەناکاوی لە وڵاتەکەیدا واژۆ کردووە.

راگەیاندنی باری لەناکاو لە میسر بۆ ماوەی سێ مانگ، بەپێی بڕیاری ژمارەی 168ـی ساڵی 2020ـی عەبدولفەتاح سیسییە و لە بەرەبەیانی رۆژی سێشەممە 28-4-2020 (ئەمڕۆ)ـەوە جێبەجێ دەکرێت.

تا ئێستا چوار هەزار و 782 کەس لە میسر تووشی پەتای کۆرۆنا بوون و لەو ژمارەیەشدا، 337 کەس گیانیان لەدەست داوە.



باسنيوز