كیفن هاسین راوێژكاری ئابوری ترهمپ: روبهڕوی دۆخێكی قورسی ئابوری دەبینەوە
كیفن هاسین، راوێژكاری ئابوری دۆناڵد ترهمپ لهلێدوانێكیدا بۆ رۆژنامهنوسان، رایگهیاند، لهم مانگهدا كاریگهرییهكانی ڤایرۆسیی كۆرۆنا و داخستنی شوێنه بازرگانیهكان و قهدهغهی هاتوچۆ دهردهكهوێت، بهجۆرێك رێژهی بێكاری لهوڵات دهگاته زیاتر له 16% و باری ئابوریش بهرهو دۆخێكی مهترسیدار دهڕوات.
دو مانگی داهاتو، بۆ ئابوری ئهمریكا مهترسیداره
ئاماژەی بەوەشکردوە، دو مانگی داهاتو، بۆ ئابوری ئهمریكا مهترسیداره، پزیشك و زانایانیش هۆشداریانداوه ئهگهر بهریەکكهوتن زیاتر بێت، روبهڕوی شهپۆلێكی دیكهی ڤایرۆسی كۆرۆنا دهبنهوه، كه دهبێته هۆكار بۆ گیانلهدهستدانی نزیكهی 54 ههزار هاوڵاتی ئهمریكی.
لهئێستادا 26 ملیۆن هاوڵاتی ئهمریكی پێویستیان بههاوكاری و ههلی كار ههیه
ئاشكراشیكردوه، لهئێستادا 26 ملیۆن هاوڵاتی ئهمریكی پێویستیان بههاوكاری و ههلی كار ههیه و بههۆی ڤایرۆسی كۆرۆناوه بێكاربون و رێژهكهش زیاتر دهبێت، لهگهڵ ئهوهشدا ئهمریكا ناچاره كۆمهڵێك رێكاری پێویست بۆ بهرگرتن لهزیاتر بڵاوبونهوهی ڤایرۆسی كۆرۆنا بگرێتهبهر.
بهگوێرهی دواین ئاماری ئهمریكا، ملیۆنێك و 10 ههزارو 507 توشبوی ڤایرۆسی كۆرۆنا تۆماركراون، 56 ههزار و 803 كهس بههۆی ئهو ڤایرۆسهوه گیانیانلهدهستداوه، هاوكات 139 ههزار و 162 كهس چاكبونهتهوه.
خەندان-
